Семей қаласында өтіп жатқан «Құрылыс өнері» халықаралық фестиваліне Ресей, Германия және Қазақстанның жетекші оқу орындарынан 200-ге жуық ұстаз қатысып отыр, деп хабарлайды 24KZ. Фестиваль қатысушылары кірпіш қалау, еден төсеу және сырлау жұмыстары бойынша сынға түсіп жатыр.

Барлығы тәуелсіз сарапшылар тарапынан бағаланып, жеңімпаздар ертең анықталады. Жастардың жұмысшы мамандықтарына деген қызығушылығын арттыру мақсатында фестивальді жыл сайын өткізу жоспарланған.

Ақсар Мекішев, бас сарапшы:

- Өте қызу өтіп жатыр. Біздің педагогтердің кәсіби дайындықтары өте жоғары екенін көрдік. Конкурстық тапсырма бір модульден тұрады. Оның барлығы мұғалімдерге түсіндіріліп айтылған, біз қазір жұмысты аяқтауға жақынбыз.