Мемлекет басшысы Санкт-Петербургте Жоғары Еуразиялық экономикалық кеңестің кеңейтілген отырысына қатысты.

Келелі кездесуде сөз алған қазақ басшысы алдымен қонақжайлық танытып, іс-шараны жоғары деңгейде ұйымдастырғаны үшін Ресей Президент Владимир Путинге ризашылығын білдірді. Сондай-ақ жаңа жыл қарсаңында Петербургтегі дәстүрлі кездесу жылды қортындылап, алдағы уақытқа жоспар құруға мүмкіндік беретінін атап өтті. Бұдан бөлек, биыл бірлестік үшін мерейлі жыл болғанына тоқталып, ұйым дамудың екінші онжылдығына батыл қадам басқанын сөз етті. «Осы кезең ішінде өзара сауда-cаттық тұрақты түрде өсіп, ірі инфрақұрылым жобалары табысты жүзеге асты және өнеркәсіп кооперациясының аясы кеңейе түсті»,- деді Қасым-Жомарт Тоқаев.