Атырауда 14 жастағы қыз жоғалып кетті, — деп хабарлайды Massaget.kz тілшісі.

Мән-жайы

Жергілікті БАҚ мәліметінше, Атырауда 1 желтоқсанда жоғалып кеткен 14 жастағы қызды іздеу жұмыстары басталған. Қыз үйінен кіші інісімен бірге шыққан, бірақ мектепке бармаған.

"Кейбір деректерге сүйенсек, олар кейін бөлініп кеткен: ұл мектепке кеткен, ал қыз өзен жаққа қарай бағыт алған. Осыдан кейін оның қайда кеткені белгісіз", — деп жазылған мәліметте.

Полиция не дейді?

"1 желтоқсанда 2011 жылы туған кәмелетке толмаған қыз сабаққа кеткен, бірақ үйіне оралмаған. Жоғалып кеткен күні үстінде қара күртеше, көк шалбар, ақ аяқкиім болған, қолында қоңыр сөмкесі бар. Қазір ауқымды іздестіру шаралары жүріп жатыр", — деді Атырау облысы ПД өкілі.

Қызықты жаңалықтар мен видеоларды көру үшін TikTok арнамызға жазылыңыз!