Үкімет өзін-өзі жұмыспен қамтушыларға арналған арнаулы салық режимін қолдануға рұқсат етілген қызмет түрлерінің жаңа тізімін жария етті. Қаулы 2026 жылдың 1 қаңтарынан бастап ресми түрде қолданысқа енгізіледі, деп хабарлайды Egemen.kz

Құжат жаңа Салық кодексінің 718-бабы 2-тармағының 1-тармақшасын іске асыру мақсатында әзірленді.

Құжатқа енгізілген 40 қызмет бағытының қатарына мал шаруашылығына ықпал ететін қызмет түрі, музыкалық аспаптар өндірісі, ағаш ұсталығы, желілік маркетинг арқылы бөлшек сауда жүргізу, баспана арендасы, ауызша және жазбаша аударма, ветеринариялық қызмет, тапсырыспен дайын тамақ жеткізу, пошта және курьер сияқты кәсіп түрлері кіреді.