Тунистің экологиялық ахуалы нашарлады
20.10.2025
Тунистің экологиялық ахуалы күрт нашарлады. Габес қаласының тұрғындары мен эколог мамандар бұл жағдайға 50 жыл бұрын іске қосылған фосфат өңдеу зауытын айыптап отыр.
Кәсіпорыннан тәулігіне 14-15 мың тоннаға дейін улы және радиоактивті қалдықтар теңізге ағызылып отырған. Тұрғындардың айтуынша, зауыттан бөлінетін улы қалдықтар тыныс алу, сүйек және қатерлі ісік ауруларының артуына себеп болған. Аймақтағы балық қоры күрт азайып, ауылшаруашылық алқаптары бүлінген. Осыған орай, халық кәсіпорынның қызметін тоқтатуды талап етеді.
