Спорт журналисі Аслан Қаженов футболдан Қазақстан құрамасының бас бапкері міндетін уақытша атқарып жүрген Талғат Байсуфинов туралы пікір білдірді, деп хабарлайды Skifnews.kz ақпарат порталы.

Аслан Қаженовтің сөзінше Ұлттық құрама жігіттері бапкерді ерекше сыйлайды екен.

"Талғат Байсуфинов ары қарай да осы қызметте қалады деп үміттенімін. Ұлттық құрама жігіттері бұл кісіні қатты сыйлайтынын байқадым. Кеше жасыл алаңда барын да, жанын да салып жатқандары сондықтан. Команда қазақшалана бастады. Қазақша тапсырма беріледі, қазақша жоспар құрылады. Киім ауыстыратын бөлмедегі әңгімелер де ана тілімізде айтылуда. Тәуелсіздік алғанымызға 35 жыл болса да, енді ғана осыған қолымыз жетті. Енді-енді ұлттық мүдде мен ұлттық рух алға шыға бастады. Бұның бәрі, айналып келгенде, нәтижеге де тікелей әсер етеді. Сондықтан, көрші елдерден кім көрінгенді сүйрелей бермей, өзіміздің маманға мүмкіндік берейік! Қолда бардың қадірін білейік! Алда жеңіс те, жеңіліс те болуы мүмкін. Бірге болайық! Бірге қолдайық! Ауызбіршілік керек! Осындай қазақ бапкерлері көбейе берсін! Оларға жол ашайық, жағдай жасайық! Осынша жыл неге тұншықтырып, ішімізден іріп келгенімізді түсінбеймін. Десе де, кешегі ойындардан кейін үміт оянды. Қазақ балалары қолынан біраз нәрсе келеді! Қазақ балалары әлі талай әлемді мойындатады! Сәттілік!", — деді ол.

Посмотреть эту публикацию в Instagram

Публикация от Аслан Каженов (@kazhenov.aslan)