«Таза бейсенбі» экологиялық акциясы аясында Талғар қаласының орталығы қоқыстан тазартылды .

Аталған іс-шараға «AMANAT» партиясының мүшелері мен мәслихат депутаттарынан және «Жастар рухы» жастар қанатының белсенділерінен құралған 60-тан астам адам қатысты. Оларға коммуналдық кәсіпорындардың жұмысшылары мен қарапайым қала тұрғындары да көмекке келді. Нәтижесінде 1,5 шақырым аумақ қоқыстан тазартылып, арнайы полигонға үш тоннадан астам тұрмыстық қалдық шығарылды. Партия өкілдерінің айтуынша, мұндай акциялардың санитарлық мәдениет пен тұрғындардың экологиялық жауапкершілігін арттырудағы орыны ерекше.

Серік Дүмшебаев, "Amanat" партиясы Талғар аудандық филиалының төрағасы:

- Мұндағы басты мақсатымыз — осы жастарды тазалыққа үйрету, қаламызды ластамау деген мағынада өтіп жатыр. Өзіміздің бөліп, бөліп қойған күніміз бар. Кезек бойынша бүгін осы көше алынған. Бұған дейін ұлттық парк аумағын жинадық, басқа көшелерді жинадық, адам көп жүретін бұл жерде өйткені екі колледжіміз бар, больница бар, мектеп бар, өте көп ластанатын болғаннан кейін осы көшеден бастауды жөн санадық.