Қазақстан Оқу-ағарту министрлігінің Балалардың құқықтарын қорғау комитеті қылмыскердің қолынан құтқарылған қыздың қазіргі жағдайы туралы айтты, — деп хабарлайды Massaget.kz тілшісі.

Комитеттің мәліметінше, бала тексеру үшін ауруханаға жеткізілген.

"Балалардың құқықтарын қорғау комитетінің тапсырмасымен психологиялық көмек көрсету үшін Психологиялық қолдау орталығының қызметкерлері оқиға орнына барып, көмек көрсетіп жатыр. Сондай-ақ Алматы облысының бала құқықтары жөніндегі өңірлік уәкілі де оқиға орнында", – делінген хабарламада.

Не болған еді?

Алматы облысының Талғар қаласында қылмыс болды. Онда ер адам кішкентай қызды ұрлап, оның нағашысын атып кеткен. Көп ұзамай арнайы жасақ баланы құтқарып, анасымен қауыштырды, ал күдікті ұсталды.

Instagram парақшамызға жазылып, ең қызықты ақпараттарды бірінші болып оқыңыз!