Еліміздің өңдеу өнеркәсібі 6%-ға өсті.

Президент жолдауын жүзеге асыру шеңберінде Қазақстан өнеркәсібі қарқынды өсім көрсетіп отыр. Жалпы өндіріс көлемі 6,9%-ға артты. Соның ішінде бірнеше саланың үлесі басым. Машина жасауда 14% өсім бар. Металлургияда оң динамика сақталған, химия өнеркәсібінде 6% өсім тіркелді. Құрылыс материалдары өндірісі де қарқын алған, мұндағы көрсеткіш 4,7% . Өнеркәсіп және құрылыс вице-министрі Олжас Сапарбековтың айтуынша, осы жылы өңдеу өнеркәсібінде шамамен 1,5 трлн теңгеге 190 жобаны жүзеге асыру жоспарланған. Бұл 23 мың тұрақты жұмыс орнын ашуға мүмкіндік береді.

Олжас Cапарбеков, ҚР Өнеркәсіп және құрылыс вице-министрі:

- Өңдеу өнеркәсібіндегі жаңа бастамаларды қолдау үшін шағын өнеркәсіптік аймақтар құру құралы іске қосылды, онда дайын өнеркәсіптік алаңдар жеңілдікті бағамен жалға беріледі. Мұндай аймақтар 8 өңірде салынуда, 90-ға жуық жобаны іске қосып, 3 мыңнан астам жұмыс орнын ашу жоспарлануда.