Отыз жылда Ата заңға 6 рет түзету енгізілді. Бірақ ең басты конституциялық өзгеріс осыдан үш жыл бұрын жасалды. Маңызды құжаттың мазмұны толыға түсті. Соның нәтижесінде еліміздің саяси-құқықтық жүйесі түбегейлі жаңа сипатқа ие болды деді — Президент Конституциясының 30 жылдығына арналған «Конституция және мемлекеттілік: құқық пен болашақ диалогы» атты ғылыми-практикалық конференциясында.

Қасым-Жомарт Тоқаев, Қазақстан Республикасының Президенті:

Сондай-ақ еліміздің саяси жүйесінде «Күшті Президент – ықпалды Парламент – есеп беретін Үкімет» қағидаты орнықты. Бұл билікте өзара тиімді байланыс пен тепе-теңдікті сақтауға мүмкіндік берді. Президенттің жеті жылға бір рет қана сайлануы ел тарихындағы аса маңызды саяси-құқықтық бетбұрыс деп айтуға толық негіз бар. Осылайша, елімізде биліктің бірегей үлгісі пайда болды.

Раушан Сайлауқызы