Еуропа елдерінен пана іздеп келетіндер азайды. Eurostat дерегіне сүйенсек, биыл мамыр айында 55 мыңдай адам өтінім білдірген.
Бұл өткен жылмен салыстырғанда 30%-ға аз. Босқындар легінің ең жоғары көрсеткіші 2023 жылы тіркелген еді. Швейцария мен Норвегияға 1,14 миллион өтініш түскен болатын. Ал биыл Грекия, Испания, Кипр және Люксембургтан пана сұрағандар көп. Олардың дені Венесуэла, Ауғанстан, Бангладеш, Сирия елдерінің азаматтары. Былтыр Еуро Одақ мигранттарға қатысты заңды қатаңдатты. Әсіресе Германияда талап күшейтілген соң, пана сұрағандар күрт азайды. Ресми дерекке сүйенсек, биыл қаңтар мен маусым аралығында небары 65 мыңдай өтініш түскен. Бұл былтырмен салыстырғанда 43%-ға аз.
