Қаржы нарығын реттеу және дамыту агенттігі «KMF» (( К-мэ-эф )) микроқаржы ұйымына» банктік лицензия берді.

Бұдан былай ол «KMF Банк» деп аталады. Бұл Мемлекет басшысы Қасым-Жомарт Тоқаевтың 2023 жылғы Жолдауында айтылған осы сектордағы бәсекелестікті арттыру, шағын және орта бизнесті несиелеуді көбейту мақсатында пайда болды. 1997 жылдан бері микрокаржылық ұйым ретінде жұмыс істеп келе жатқан KMF бизнес пен өңірлер үшін сенімді серіктес ретінде танылған.

KMF – қаржы секторындағы ең көне және тұрақты ұйымдардың бірі. Ол 1997 жылдан бері жұмыс істейді. 2024 жылдың қорытындысы бойынша ұйым актив көлемі, несие портфелі және клиент саны жағынан Қазақстандағы микрокаржылық ұйымдар арасында көш бастады. Ұзақ жылдар бойы KMF ауқымды өңірлік желі құрып, әлеуметтік бағыттағы әрі қаржылық тұрақты институт ретінде танытты.

Мәдина Әбілқасымова, ҚР Қаржы нарығын реттеу және дамыту агенттігінің төрағасы:

- Микронесие ұйымынан банкке айналу рәсімі бір жыл жүргізілді. KMF барлық талаптарды орындады. Капиталын толықтырып, корпоративтік басқару және барлық нормативтік құжаттарды қабылдап, банк жүйесінің толыққанды мүшесіне айналды. Айта кетейін, KMF бүгінге дейін Қазақстандағы ең ірі микронесие ұйымы болды.

Бұл лицензия банктің заңды және жеке тұлғалардан депозит қабылдауына, ағымдағы шоттар ашуға мүмкіндік береді. Сондай-ақ кассалық қызмет, аударым және айырбастау операцияларын жүргізуге, несие мен банк кепілдіктеріне жол ашады. Банк шағын және орта бизнесті, әсіресе өңірлерде несиелендіруді жалғастырады.

Шалқар Жүсіпов, «KMF банк» АҚ Басқарма төрағасы:

- Басты мақсатымыз – сол клиенттерді дамыту. Клиенттерді дамытудың арқасында экономикамыз дамиды, экономикамыздың артында Қазақстанның дәрежесі жоғары көтеріле береді деген ой. Енді лицензия алудың шарасында біз осы біздің клиенттерге тек қана несие емес одан да басқа банктік операцияларды ұсынамыз.

KMF 2025 жылы лицензия алған екінші банк. Енді елімізде 23 екінші деңгейлі банк жұмыс істейді. Оның 11-інде шетелдік қаржы ұйымдарының үлесі бар.

Аршын Кемелжан, Радик Жакупов