Алдын ала мәлімет бойынша, 30-ға жуық үйдің ауласына және екі жертөлеге су кірген, деп хабарлайды Skifnews.kz ақпарат порталы.

Оқиға орнына төтенше жағдай қызметі, полиция және жергілікті билік өкілдері барған. Қазір арнайы комиссия тасқынның себебін тексеріп жатыр. Куәгерлердің айтуынша, су тасқынының себебі – Үшбұлақ каналының шлюзін біреулер әдейі ашып жіберген болуы мүмкін. Бұл деректі полиция анықтайды. Жергілікті тұрғындар күн ашықта мұндай көлемдегі судың қайдан келгеніне таңырқап отыр. Ал әлеуметтік желі қолданушылары облыс әкімі апат орнына бармағанын сынға алды.

Мамандар су қоймалары мен тоғандардың қауіпсіздігін қамтамасыз етудің маңызын еске салып, мұндай нысандарды қараусыз қалдыру үлкен қауіп төндіретінін айтуда.