Атырау облысының Құрманғазы ауылында 2 жасар сәби ойнап жүріп кір жуғыш машинаның ішіне кіріп, қайта шыға алмай қалған. Бұл туралы Төтенше жағдайлар министрлігі хабарлады, деп жазады Skifnews.kz ақпарат порталы.

Ведомствоның мәліметінше, оқиға әп-сәтте болған: бала ойнап жүріп техника ішіне кіріп кеткен, есігі жабылып қалып, өздігінен шығу мүмкін болмаған. Анасы қанша тырысқанымен, баланы босата алмаған.

Дереу шақырту алған құтқарушылар оқиға орнына жетіп, сәбиді жабықтан сәтті шығарып алды. «Балақай зардап шеккен жоқ», – деп хабарлады ТЖМ.

Құтқарушылар ата-аналарға тағы бір мәрте ескерту жасады: балаларды қараусыз қалдырмау керек, өйткені тұрмыстық техникалар да қауіп төндіруі мүмкін.