Қазақстанның алты өңірінде ана өлімі жиілеген. Бұл туралы денсаулық сақтау министрі Ақмарал Әлназарова мәлімдеді, — деп хабарлайды Massaget.kz тілшісі.

Денсаулық сақтау министрлігінің басшысы Ақмола, Жамбыл, Ақтөбе, Жетісу және Абай облыстарын атады.

"Ақмола облысында ең жоғары көрсеткіш тіркеліп отыр, республикалық мәннен жеті есе асады. Ана өлімінің себептері ішінде ауыр экстрагениталь аурулар басым, яғни 55 пайыз немесе 10 жағдай, оған қоса акушерлік-гинекологиялық аурулар бар, оның үлесі — 45 пайыз немесе 8 жағдай. Ғылыми орталықтардың, жоғары оқу орындарының көпсалалы тобы әрбір ана өліміне егжей-тегжейлі талдау жүргізеді", — деді Әлназарова Үкімет отырысында.

Денсаулық сақтау министрінің айтуынша, Қызылорда, Қостанай, Батыс Қазақстан, Жамбыл және Абай облыстарында нәресте өлімі көбейіп кеткен.

Мұның себептерінің қатарына туа біткен аурулар мен тыныс алу органдарының аурулары жатады.

Аптаның басты оқиғалары мен пайдалы видеоларды көру үшін YouTube арнамызға жазылыңыз