Еуразиялық банк автонесие алу үрдісін толықтай цифрландырды .

Енді банк арқылы, жаңа көлікті несиеге небәрі 1 сағаттың ішінде рәсімдеуге болады. Көлік түрін таңдап, өтінім беруден бастап, мемлекеттік нөмірді алуға дейінгі барлық кезең онлайн түрде өтеді. Санаулы сәтте темір тұлпар иесі атанудың қыр сыры жайлы, толығырақ келесі бейнематериалда.

Еуразиялық банк отандық «Аллюр» автокөлік компаниясымен бірлесе Еуразиан Драйв жобасын іске қосты. Бұл бойынша азаматтар жаңа көлікті 1 сағаттың ішінде онлайн түрде тіркеп, несиеге рәсімдей алады. Бұған дейін мұндай мүмкіндік темір тұлпарды қолдан алғанда да ұсынылатын. Ал жаңа көлікті алу үшін халыққа қызмет көрсету орталығына барып, құжаттардың қағаз нұсқасын өткізу қажет еді.

Ләззат Сатиева, «Еуразиялық банк» АҚ Басқарма төрайымы:

- Енді тұтынушы кез-келген жерде отырып, көлікті онлайн түрде сатып ала алады. Бұл қызмет «Еуразиялық банк», «Аллюр» дилерлік компаниясы, Ішкі істер министрлігі мен «Азаматтарға арналған үкімет» мемлекеттік корпорациясының бірлесе атқарып жатқан жұмысы. Бүгінге дейін мұндай қызметті ешбір банк, дилерлік орталық ұсынған жоқ. Біз алғашқы болып іске қостық.

Автонесие алу үшін банк қызметкеріне ЖСН және телефон нөмірін ұсынса жеткілікті. Қаржыландыру мақұлданса, банк пен автосалонға қажетті өзге де құжаттарды электронды цифрлық қолтаңба көмегімен тіркеуге болады.

Лимара Жақсыбаева, «Еуразиялық банк» АҚ Астана қаласы бөлімшесі директорының орынбасары:

- Талаптары, біріншіден, біздің клиентіміз ҚР резиденті болуы керек. Екіншіден, тұрақты табысы болуы керек. Үшіншіден, өзінің кредиттік тарихы жақсы болуы керек. Болды. Осы талаптар.

Сәйкесінше несиенің пайыздық мөлшерлемесі де тұтынушының ұсынатын жарнасына, несие тарихына байланысты анықталады. Бастапқы жарна көлік құнының 10 пайызынан басталады.

Назым Қайрат, Мадияр Қындыбаев