Енді құрылыс компаниялары салықтан жалтара алмайды
31.07.2025
Жаңа Салық кодексіне сәйкес енді ірі құрылыс компаниялары бизнесті бөлшектеп , салықтан жалтара алмайды.
Бұл туралы Премьер-министрдің бірінші орынбасары Роман Скляр Үкіметте өткен баспасөз конференциясында айтты. Оның пікірінше, саладағы өзгеріс тұрғын үй сатып алу кезінде қарапайым азаматтарға әсер етпейді. Биыл елде 19 млн шаршы метрден астам баспана салынады. Тұрғын үйдің құны жобалау-сметалық құжаттамаға және мемлекеттік тапсырысқа қарай оның ішінде «Бақытты отбасы» және«Наурыз Жұмыскер» бағдарламалары шеңберінде реттеледі.
