Алматыда тауға шығып, із-түзсіз жоғалып кеткен 20 жастағы жігіттің денесі табылды. Бұл туралы қалалық Төтенше жағдайлар департаменті хабарлады. Мәйіт «Жастар» шыңынан табылған. Аталған маршрут күрделі және мұздықтар бар. Сондықтан құтқарушылардың жоғары көтерілуі мен денені түсіруі шамамен 5 сағатқа созылды . Қазір оқиға орнында полиция мен психологтар жұмыс істеп жатыр.

Айта кетейік, жоғалған жігіт 27 шілде күні таңертең тауға аттанған. Байланысқа шықпаған соң оның туыстары мен достары әлеуметтік желі арқылы көмек сұраған. Іздестіру жұмыстарына тікұшақ, 50-ден астам құтқарушы мен ерікті, арнайы техника, дрондар және кинологтар жұмылдырылды.