Жедел жәрдемге жол бермеген жүргізушілер жауапқа тартылды, — деп хабарлайды Massaget.kz тілшісі 24.kz-ке сілтеме жасап.

Көкшетауда жедел жәрдем көліктеріне жол бермеген жүргізушілер жауапқа тартылды. Заңбұзушылықтар қала көшелерінде арнайы ұйымдастырылған рейд кезінде анықталды.

"Жедел жәрдем көліктері сіздің жақындарыңызға көмекке асығып келе жатуы мүмкін немесе ол жерде науқастар да ауруханаға апара жатыр. Сондықтан реанимобильдерге жол беру бұл өте маңызды. Бүгін ғана үш жүргізушіге айыппұл салынды", — деді патрульдік полиция батальонының инспекторы Жәнібек Шәкіров.

Дәрігерлердің айтуынша, кейбір қала тұрғындары реанимобильдерге жол бермей жатады. Соның салдарынан жедел жәрдем науқастарға кешігіп барады. Сондықтан бұл рейд жолда тәртіп және қауіпсіздік ережелерін сақтауға үндейді.

"Өкінішке қарай, бүгінде бізге жол бермейтін жүргізушілер кездесіп жатады. Кейде әдейі жолды әдейі кесіп өтеді. Мұндай жағдайлар жол апатына әкелуі мүмкін. Кейін жедел жәрдем жүргізушілерін кінәлайды. Жыл басынан бері бір жол-көлік оқиғасы болды", — дейді облыстық жедел жәрдем станциясы директорының орынбасары Азамат Қожахметов.

Қызықты жаңалықтар мен видеоларды көру үшін TikTok арнамызға жазылыңыз!