Шымкентте 1 миллион 30 мың адам міндетті әлеуметтік медициналық сақтандыру жүйесіне тіркелген.

Мемлекеттен оның жартысынан астамына жарна төленеді. Яғни қала халқының 81% жоғары технологиялық операцияларға, скринингтік тексерулер мен диагностикалық қызметтерге қор арқылы тегін қол жеткізе алады. Биыл 137 мың науқас стационарлық ем алған. Тағы 500 адамға кардиологиялық, неврологиялық, травматологиялық озық операциялар жасалған. Алайда әлі 234 мың тұрғынның сақтандыру туралы мәртебесі жоқ. Осыған байланысты жергілікті атқарушы органның жұмысы күшейтіліп, мемлекеттік кірістер комитеті мен еңбек инспекциясы қызметкерлері бірлесіп, үгіт-насихат жүргізіп жатыр.

БЛИЦ

- Емханада тіркеудемін. Сол тіркеу бойынша барып, қажет кезде ем-домымды алып тұрамын. Зейнеткерлік жасына жеткендер үшін барлығы тегін. Қандай да бір қосымша ақы, үстеме ақы дегендер көрсетпеген.

- Мен жалдамалы жұмысшымын. Бірақ та ертең ауырып қалған кезде мені емдемей қоймасы үшін әр ай сайын өзім ақша төлеп отырамын. Жұмыс берушім медстраховкаға ақша төлеуді ескертіп айтқан.

- Ісім түсіп жатқан емеспін. Былтыр бір ауырғанмын. Өтімнен. Сол кезде жаттым енді. Көп балалы ана болғаннан кейін мені тегін емдейді. Көп жерде тегін жүремін. Автобуста да.