Бүгіннен бастап елімізде өңіраралық мәртебесі бар кассациялық соттар өз жұмысын бастайды , деп хабарлайды 24kz.

Олардың негізгі рөлі – сот актілері заңды күшіне енген істерді қайта қарау. Бұл туралы Орталық коммуникация қызметі алаңында жоғары сот кеңесінің мүшесі Ерлан Айтжанов хабарлады. Ақпарынша, өзгеріс Жоғарғы соттың назарын құқық қолданудың негізгі мәселелеріне аудара отырып, жүктемесін азайтуға мүмкіндік береді. Қосымша инстанцияны енгізудің арқасында азаматтардың сот төрелігіне қолжетімділігі кеңейтіледі. Қазіргі таңда кассациялық соттардың судьялары лауазымдарына конкурстық іріктеу нәтижелері жарияланып отыр.

Салтанат Жүніспекова, ҚР Жоғары сот кеңесінің мүшесі:

- Жоғары сот кеңесінің кадрлерді қалай іріктейтіні ол – регламент. Нақты талаптар енгізілген. Тәжірибесі бойынша қаншама жыл істеген. Кассациялық сотқа өтетін судьялар міндетті түрде сот ретінде 8 жыл жұмыс істеуі керек.