Қызылорда қаласына қарасты Белкөл кентінің жұмысшы мамандары ауыл балаларына ойын алаңын салып берді.

Барлық құрылыс жұмыстарын олар өз қолдарымен жасаған. Яғни өзара келісіп, тас төсеп, бетон құйып, дәнекерлеу жұмыстарын жүргізген. Жарық шамдарының желілерін де, ауыл арасынан шыққан электрик орнатқан. Ауыл тұрғындары бұл бастаманы жұмысшы мамандығының маңызын көрсету және насихаттау мақсатында жүзеге асырғандарын айтады. Бұған дейін ауыл тұрғындары балаларға арналған, ойын алаңы қажет екенін бірнеше рет көтерген екен.

БЛИЦ

- Халқымыздың балаларына, жасөспірімдерге, артындағы ізбасарларына осындай жақсы іс бастап жатыр. Ал енді осы істі тиянақты қылып, балалардың рақатына, ойын-сауық отауы болсын деп тілейміз.

- Бүгінгі ашып жатқан ойын алаңы балалардың рақатына, пайдасына, тек қана жақсылыққа пайдалансын. Әрқашанда еңбектерің еленіп жүрсін.