Жақында Саран қаласында металды ыстықтай мырыштау зауыты мен болат құбыр шығаратын кәсіпорын ашылады.
Бұл туралы кеншілер қаласында өтіп жатқан республикалық семинар-кеңесте айтылды.
Кеңеске жиналғандар еліміздегі шағын қалаларды дамыту тетіктерін талқылауда. Жалпы елімізде жиырмадан астам моноқала бар. Олардың басым бөлігінде қала құраушы кәсіпорындар жұмыс істеп тұр. Қазір тікелей байланысқа шығатын әріптесіміз Руслан Нұрланұлы семинар-кеңесте көтерілген мәселелер туралы айтып беруге дайын.
Шағын қалаларды дамыту мәселесі талқыланып жатыр
Руслан Нұрланұлы, тілші:
- Семинар-кеңеске еліміздің 20 шағын қаласының әкімі, бірқатар сала вице-министрлері қатысып жатыр. Жиында шағын қалаларды дамыту мәселесі талқылануда. Бұған мысал ретінде Қарағанды облысының Саран қаласының тәжірибесі үлгі ретінде алынды. Бүгінде Саран дербес қала статусын иеленді. Қаладағы индустриялды аймақта бірнеше кәсіпорын ашылып, жүздеген жергілікті тұрғын еңбек етіп жатыр. Кезіндегі моноқалада тіпті автобус құрастырылып, шина шығарылады. Бір сөзбен айтқанда, бизнеске қолайлы жағдай жасау үшін біраз жұмыс атқарылды. Қазір менің қасымда Саран қаласының әкімі Дарын Бұлқайыр тұр. Индустриалды аймақта жаңадан ашылып жатқан кәсіпорындар қаланың дамуына қаншалықты серпін беріп отыр. Тағы қандай тиімді жобалар бар?
Дарын Бұлқайыр, Саран қаласының әкімі
Семинар-кеңеске қатысушылар ертең Саран қаласындағы индустриалды аймақта орналасқан кәсіпорындарды аралап, қаланың даму көрсеткіштерімен танысады. Бұл шағын қалалар әкімдері үшін мол тәжірибе болады, дейді мамандар.
