Лимон — тек шайға қосатын дәмдеуші ғана емес, адам ағзасына пайдасы мол нағыз табиғи дәрі. Оның құрамындағы С дәрумені, антиоксиданттар мен органикалық қышқылдар денсаулықты сақтауға және сұлулықты арттыруға көмектеседі. Massaget.kz тілшісі лимонды күнделікті өмірде қолданудың қарапайым, бірақ пайдалы жолдарын ұсынамыз.

Иммунитетті күшейтеді

Лимон – С дәруменінің тамаша көзі. Бұл дәрумен ағзаны вирустар мен бактериялардан қорғайды. Таңертең жылы суға лимон шырынын қосып ішсеңіз, иммунитетіңіз нығайып, ағзада улы заттар азаяды.

Лайфхак: Күн сайын 1 стақан жылы лимон суын аш қарынға ішіңіз. Бұл ас қорыту жүйесін де жақсартады.

Ағзаны тазартады (детокс)

Лимон бауыр мен бүйректегі токсиндерді шығаруға ықпал етеді. Сонымен қатар, теріге де оң әсер етіп, беттегі безеулер мен дақтарды азайтады. Лайфхак: Бір апта бойы таңертең лимон қосылған су ішіп көріңіз — теріңіздің реңі айтарлықтай жақсарады.

Ауыз қуысын тазартады

Лимон ауыздағы жағымсыз иісті кетіреді, бактерияларды жояды және қызыл иектің қабынуынан сақтайды. Лайфхак: тісіңізді жуып болған соң, лимон шырыны мен су араласқан ерітіндімен ауыз қуысын шайыңыз.

Энергия мен сергектік береді

Лимон иісі жүйке жүйесіне тыныштандыратын әсер береді, ал оның шырыны ағзаны сергітеді. Ол таңертеңгі ұйқышылдықты жеңуге көмектеседі.

Лайфхак: Жұмыс орныңызда лимон тіліктерін қойыңыз немесе лимон эфир майын қолдану арқылы сергектігіңізді арттырыңыз.

Қан қысымын реттейді. Калийге бай лимон қан айналымын жақсартады. Бұл жүрек-қан тамырлары жүйесінің жұмысын тұрақтандыруға септігін тигізеді.

Лайфхак, суға лимон мен аздап бал қосып ішу – табиғи қан қысымын реттегіш құрал.

Арықтауға көмектеседі

Лимон құрамындағы пектин (еритін талшық) қарынды тез тойдырып, артық тамақ жеуден сақтайды. Лайфхак: Таңертең лимонды жылы суға салып ішсеңіз – метаболизм жылдамдап, салмақ түсіруге әсер етеді.

Тері мен шаш күтіміне пайдалы

Лимон – табиғи антисептик. Ол терідегі дақтар мен майлылықты азайтады, ал шашты жылтыратып, қайызғақтан арылтады. Лимон шырынын сумен араластырып, бетіңізге маска ретінде немесе шашқа шаю құралы ретінде пайдаланыңыз.

Лимон – қолжетімді, бірақ аса құнды жеміс. Оны дұрыс әрі үнемі қолдансаңыз, ағзаңызға шын мәнінде пайдасы зор болады. Бірақ, лимон қышқылдығы жоғары болғандықтан, асқазанында гастрит немесе жарасы бар адамдарға абай болу керек.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!