Мерекелік іс-шарада Мемлекеттік туымыз көтеріліп, Әнұран орындалды.

БҰҰ UNDOF миссиясының жауапкершілік аймағындағы Голан жоталарында қазақстандық бітімгерлік контингент Қазақстан Республикасының Мемлекеттік рәміздері күніне арналған салтанатты митинг өткізді, деп хабарлайды inbusiness.kz сайты.

Қорғаныс министрлігінің баспасөз қызметі хабарлағандай, Тәуелсіздікті, халықтың бірлігі мен Отанға деген мақтанышты бейнелейтін мемлекеттік рәміздердің маңызы аталып өтті.

Қазақстандық бітімгерлер жырақта жүріп, халықаралық аренада бейбітшілік пен қауіпсіздік ісіне үлес қосу арқылы мемлекеттік құндылықтарды сақтап, әрі құрметтейді.