Атыраудың егіншілері су үнемдеу технологиясын қолдана бастады, деп хабарлайды 24kz.

Биыл облыс бойынша 9600 гектар алқапқа дән себілген. Ендігі мәселе – осынау көптің ырзығын уақытылы суарып, мол өнім алу.

Осы мақсатта 5100 гектар алқапқа тамшылатып суару, 4500 гектарға жаңбырлатып суару қондырғылары қойылды. Облыс бойынша егіс алқаптары мен шабындықты суландурыға арналған 21 канал бар. Оның 9-ы Махамбет ауданы аумағанда орналасқан.

Бірыңғай ауыл шаруашылығымен айналысатын Махамбет ауданында 307 қожалық биыл 4,5 мың гектар алқапқа дән сепкен. Қазір шығымы жаман емес. Жаз бойы аптап, желі арылмайтын климаты қатал Атырау өңірінде егін де, мал шаруашылығы да тікелей Жайық өзеніне тәуелді. Олар суды тек каналдар арқылы алады. «Әзірге су жеткілікті», - дейді мамандар.

Нұрғабыл Шәкимов, «Жайық» өндірістік учаскесінің басшысы:

- Жалпы тәулігіне мотордың айдауы 400 мың текше метр су беріліп отыр. Қазіргі уақытта барлық 9 каналда да су жеткілікті. Нарын каналы көптен аршылған жоқ. Тазаланған жоқ, іші қамыс және шөгінді топырақтармен бітеліп жатыр.

Арыстанбек Кенже, тілші:

- Бұл – Махамбет, Исатай аудандарының ауылшаруышылғына су жеткізетін Нарын каналы. Оның ұзындығы 175 шақырым. Қазір оған тәулігіне 45 мың текше метр су беріледі. Бірақ көптен аршылмаған каналдың кей жерлері құмығып қалған. Келесі жөндеуде осы канал тұр.

2023-2024 жылдары аудандағы 5 каналды аршуға республикалық бюджеттен 2,2 млрд теңге бөлініп, күрделі жөндеуден өткен еді. Ол жұмыстар биыл да жалғасын тапты.

Қайрат Нұрлыбаев, Махамбет ауданының әкімі:

- Қазіргі уақытта 4 каналдың екеуіне жөндеу жүргізіліп жатыр. Екеуінің жобалық-сметалық құжаттамалары жасалып, республикалық «Қазсушар» мекемесіне тапсырылған болатын. Қазіргі уақытта сол алға қарай қаржылдандырылады деп күтіп отырмыз.

Тірлігі каналдарға тірелетін шаруалар шамалары келгенінше суды үнемдеуге тырысады. Биыл облыс бойынша игерілген 9600 гектарды егіс алқабы түгелдей су үнемдеу технологиясына көшірілген. Оның ішінде біз аралаған Махамбет ауданының егіншілері де бар.

Олжас Мырзабаев, аудандық кәсіпкерлік және ауылшаруашылығы бөлімінің басшысы:

- Махамбет ауданы бойынша тамшылатып суару технологиясын қолдана отырып, 1700 га тауарлы егіс егу жұмыстары жүріп жатыр. Және 12 шаруашылықтың теңгерімінде 2349 га жерге жаңбырлатып суару технологиясын қолдана отырып, құрылығылар бар пайдаланып отырған. Оның барлығы су үнемдеуде оң нәтижесін көрсетіп жатыр.

Облыстың ауыл шаруашылығын суландыруға арналған 21 канал бар. Оның 15-і жұмыс істеп тұр. Бұған дейін канал құрылысына қажет қаражат республикалық «Қазсушар» мекемесі арқылы бөлініп келген еді. Ол жұмыс үдерсін тежейтін. 2025 жылы облыста «Табиғат» атты жаңа мемлекеттік кәсіпорын құрылды. Енді каналдар құрылысымен осы мекеме айналыса бастады. Қазір 2 каналда жөндеу жұмыстары қолға алынды.

Авторлары: Арыстанбек Кенже, Айбек Байзақов, Жандос Рахметуллин