Іс-шараға мемлекеттік органдардың өкілдері, халықаралық және отандық БАҚ, спорт қауымдастығы, бизнес және туризм саласының мамандары, сондай-ақ креативті индустрия өкілдері қатысты.

«Бүгін Халықаралық үстел теннисі федерациясы туының ресми таныстырылымы өтіп жатыр. 10 мамыр күні Лондонда командалық әлем чемпионаты аяқталды, оның қорытындысы бойынша туды салтанатты табыстау рәсімі өтті. Бұл – дәстүрлі, жыл сайын өтетін шара. Әлем чемпионатын өткізетін ел келесі ұйымдастырушы мемлекетке эстафетаны табыстайды», деді Қазақстан үстел теннисі федерациясы жанындағы ұйымдастыру комитетінің директоры Ділмар Жұмаділов.

Оның айтуынша, Астанаға шамамен 1200 адам – спортшылар, ұлттық құрамалар, жаттықтырушылар мен халықаралық федерация өкілдері келеді деп күтіледі.

Теннис үстеліндегі сенсация: AI-робот кәсіби ойыншыларды жеңді

Таныстырылым барысында чемпионаттың ресми туын алып шығу рәсімі өтіп, чемпионаттың ресми тұмары, кәдесый және имидждік өнімдерін әзірлеуге арналған халықаралық және республикалық байқаулар жарияланды.

Ұйымдастырушылар әлем чемпионаты Қазақстандағы ең ірі халықаралық спорттық оқиғалардың біріне айналатынын атап өтті.

Еске сала кетейік, бұған дейін Қазақстанға үстел теннисінен әлем чемпионатының туы тапсырылғанын жазған едік.