Тәжікстан мен Қытай басшылары мәңгілік достық, тату көршілік және ынтымақтастық туралы келісімге қол қойды.

Тәжікстан мен Қытай арасындағы жоғары деңгейдегі кездесулер мен келіссөздер нәтижесінде ынтымақтастық туралы 31 жаңа құжатқа қол қойылды, деп жазады inbusiness.kz сайты "Авеста" порталына сілтеме жасап.

Құжаттың негізгі ұраны: "Мәңгілік дос, ешқашан жау емес".

– Екі мемлекет басшысы – құрметті Эмомали Рахмон мен құрметті Си Цзиньпин жаңа дәуірдегі жан-жақты ынтымақтастық пен стратегиялық серіктестікті тереңдету туралы Тәжікстан Республикасы мен Қытай Халық Республикасының бірлескен мәлімдемесіне, сондай-ақ екі ел арасындағы мәңгілік достық, тату көршілік және ынтымақтастық туралы келісімге қол қойды. Бұл құжаттың басты ұраны – "Мәңгілік дос, ешқашан жау емес", – деп хабарлады Тәжікстан президентінің баспасөз қызметі.

Құжат Душанбе мен Бейжің арасындағы қарым-қатынасты жаңа деңгейге көтеруді көздейді.

Келісім саяси консультациялар, сауда-экономикалық байланыстар, мәдени алмасу және қауіпсіздік мәселелері құжатқа енгізілген.