АҚШ президенті Трамп сәуірдің 29-күні әлеуметтік желі арқылы Германиядағы әскерлерін қысқартатынын жазған еді. Майдың бірі күні Пентагон Германиядан 5 мың әскерін 6-12 ай аралығында алып кететінін ресми мәлімдеді. Соңғы дерек бойынша Германияда 36 мың АҚШ әскері бар.

2 мамырда Германияның қорғаныс министрі Писториус Трамптың шешіміне байланысты БАҚ-қа берген сұхбатында АҚШ-тың Германиядан шамамен 5000 әскерін шығару жоспарын алдын ала білгендерін жеткізіп, Еуропа елдерінің өз қауіпсіздігі үшін үлкен жауапкершілікті өз мойнына алуы керек екенін атап өтті. Ол Германия бұл тұрғыда дұрыс жолда екенін, әскери күштерін кеңейту және инфрақұрылымды дамытуды ілгерілету сияқты шаралар арқылы қорғаныс мүмкіндіктерін арттырып жатқанын мәлімдеді.

Америка Құрама Штаттары НАТО одақтастарының көпшілігіне хабарламай Иранға қарсы соғыс ашқаннан кейін еуропалық лидерлер мен Трамп әкімшілігі арасындағы келіспеушілік күшейе түсті. Германия мен Америка Құрама Штаттарының көшбасшылары жақында Ирандағы жағдайға қатысты келіспеушіліктерін ашық білдірді. Германия басшысы «Трамптың ешқандай соғыс стратегиясы жоқ» деп мәлімдеді. Трамп оған от алып, қопаға түсті.

Трамп әкімшілігінің жария мәлімдемесі АҚШ-тың өз ішінде де дау тудырды. АҚШ Конгресінің Қарулы күштер комитеттерінің екі төрағасы басқаша ойларын білдірді.

Reuters агенттігінің хабарлауынша, Сенат пен Өкілдер палатасының Қарулы күштер комитеттерін басқаратын сенатор Роджер Уикер мен өкіл Майк Роджерс бірлескен мәлімдемесінде: «Біз АҚШ бригадасын Германиядан шығару туралы шешімге қатты алаңдаймыз» делінген. Уикер мен Роджерс Еуропадағы АҚШ әскери күштеріне қатысты кез келген маңызды өзгерістер Конгресс пен АҚШ одақтастарының қадағалауы арқылы жүзеге асуы қажет екенін атап өткен. Сондай-ақ Соғыс министрін алдағы күндері бұл мәселеге байланысты Конгрестің бақылау органдарымен байланысқа шығуын талап еткен.

Екеуі сондай-ақ Еуропадағы АҚШ әскерлері мерзімінен бұрын қысқарту "НАТО-ны әлсіретіп, Ресей президенті Путинге қате сигнал жіберуі мүмкін" екенін баса айтқан. Олар АҚШ әскерлері Еуропадан кетпеуі, керісінше Шығыс Еуропаға көшірілуі керек деп санайды.