Алматы тауына қараңғы уақытта көтерілген үш 15 жастағы жасөспірім таудан қайта түсе алмай қалған. Оларды түсіру үшін ТЖМ қызметкерлері көмекке келді. Кәмелетке толмағандар зардап шеккен жоқ, деп хабарлайды Egemen.kz.
Жасөспірімдер «Денсаулық баспалдағы» ауданындағы таулы аймаққа көтерілген, алайда өз бетімен төмен түсе алмаған. Сол себепті олар құтқарушылардан көмек сұраған.
«Сигнал түскеннен кейін Алматы қаласы ТЖД құтқару қызметінің құтқарушылары республикалық «Барыс» жедел-құтқару жасағымен бірлесіп, дереу көрсетілген ауданға аттанды. Түнгі уақытта таулы жерде қозғала отырып, олар жасөспірімдерге жедел жетті. Оқиға орнына келгенде жасөспірімдерге медициналық көмек қажет емес екені анықталды», деп хабарлады ТЖМ.
Құтқарушылар жасөспірімдерді қауіпсіз түрде төмен түсіріп, ата-аналарына тапсырды.
Алматы тауларында турист ауыр бас жарақатын алды
