Мемлекет басшысы Астананы дамыту жөніндегі кеңеске қатысты. Қасым-Жомарт Тоқаев елорданың өңірлік жалпы өнім көлемі биыл 34 млрд доллар болатынын айтты.

Қазір Астана қарқынды өсіп келеді. Түрлі бағыт бойынша белсенді жұмыс істеліп жатыр. Соңғы 11 айда қысқа мерзімге арналған экономикалық индикатор 118,6 пайызға жеткен. Инвестиция, құрылыс, шағын және орта бизнес саласындағы көрсеткіштер бойынша Астана алдыңғы орында тұр. Биыл елордада 5 млн-ға жуық шаршы метр тұрғын үй салынды. Бұл — елімізде пайдалануға берілген баспананың төрттен бірі. Сондай-ақ Орталық Азиядағы жоғары көрсеткіш. Өңдеу өнеркәсібінде де оң динамика байқалады. 11 айындағы өсім 7,2 пайыз. Ал қаладағы халықтың ресми саны 1 млн 600 мың адамға жеткен.