Елдегі жылу және электр желілеріне диагностика жүргізу үшін жасанды интеллект қолданылады.

Бұл жөндеу жұмыстарының сапасын қамтамасыз етіп, қаржыны үнемдеуге сеп болмақ. Үкіметтің қорытынды баспасөз конференциясында энергетика министрі осылай деді. Ерлан Ақкенженов мемлекет басшысының экономиканы цифрлық трансформациялау жөніндегі тапсырмаларын орындау барысын да баяндады. Оның айтуынша, қазір отын-энергетика кешенін басқарудың бірыңғай EnergyTech жүйесі әзірленіп жатыр. Негізгі міндет – әуе желілерінің ақауларын анықтап, жылу желілеріне ішкі диагностика жүргізу. Мұндай технологиялар адам көре алмайтын жасырын зақымдарды анықтап, жөндеу шығындарын едәуір азайтады.