Бір баланың әкесі сабақ кезінде логопедтің әрекетін телефонға түсіріп алған. Балаларға қолданылған агрессивті әдістерді ата-аналар бір жыл бойы байқамай келген.

Аталған логопед Қарағандыда танымал және сұранысқа ие маман болғанымен, енді оның қызметіне құқық қорғау органдары тексеріс жүргізеді.

«Әлеуметтік желілерді тексеру барысында балаларға дұрыс қарым-қатынас жасамаған логопедтің видеосы анықталды. Осы факті бойынша тергеу басталды, барлық қатысушылар анықталды», деп мәлімдеді Қарағанды облыстық полиция департаментінің ресми өкілі Бақытжан Кудияров.

Қазіргі уақытта 44 жастағы логопед полицияға жеткізілді, оның әрекеттері мен оқиғаның барлық мән-жайы зерттеліп жатыр. Тексеру аяқталған соң тиісті шешім қабылданады.

Посмотреть эту публикацию в Instagram

Публикация от Egemen Qazaqstan (@egemenkz)