Танымал композитор Арман Дүйсеновтің әйелі Айсұлу Айданқызы сазгердің қазасына қатысты тосын мәлімет айтты, — деп хабарлайды Massaget.kz тілшісі.

Бұл туралы ол Аман Тасығанға берген сұхбатында бөлісті.

Ол Арман Дүйсеновтің қайтыс болған жері туралы бұған дейін тараған ақпарат шындыққа сай емесін айтты.

"Маған Қалелхан Иманмәди хабарласып, "Арманның жағдайы нашар" деді. Ұлымызбен дереу зауытқа жеттік. Жедел жәрдем көлігі сыртта тұр екен. Фельдшерлермен бірге екінші қабатқа көтерілдік, Арманның беті ақ матамен жабулы жатыр. "Не болды?" деп сұрағанымда, "жүрегі тоқтап қалды" деді. Ол ешқандай жертөледе көз жұмған жоқ. Бұл ресми түрде тіркелген. Барлық құжат бар", – деді ол.

Айсұлу Айданқызы композитордың зауытқа не үшін барғанын әлі күнге дейін білмейтінін айтты.

"Зауыт екі қабатты, ішінде студия жоқ. "Арман бұл жерге неге келген?" деп сұрадым. Олар "Балалармен бірге таң намазына дәрет алған. Балалар сапқа тұрған кезде Арман тұрмай, диванда жатқан. Оятпақ болғанда, тұрмағанын көрдік" деп айтты" — деді сазгердің жары.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!