Оралда екі ай бұрын жоғалған 26 жастағы Заманбек Қыдыр өлі табылды. Ол 10 қыркүйекте үйден кетіп қалған, — деп хабарлайды Massaget.kz тілшісі uralskweek.kz-ке сілтеме жасап.

Полиция қызметкерлері оқиғаны растап, ер адамның денесі 3 қарашада Теректі ауданының Подстепное кентінің маңындағы орман жолағында ер табылғанын айтты.

"Денесінде зорлық-зомбылық белгілері жоқ. Өлімнің себептерін анықтау үшін мәйіт сот-медициналық сараптамаға жіберілді",-деп нақтылады Батыс Қазақстан облысы полиция департаментінің баспасөз қызметі өкілдері.

26 жастағы Қыдыр Заманбек Асылбекұлы 10 қыркүйекте таңертең сағат 10:00-де Абай даңғылы, 71/1 мекенжайындағы үйден шығып кеткен, содан бері оның орналасқан жері белгісіз болған.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!