«Ертіс орманы » және «Семей орманы» мемлекеттік табиғи резерваттарына 49 жаңа техника берілді.

Оның ішінде өрт сөндіруге арналған 39 көлік және 10 “Белорус” тракторы орман шаруашылықтарына табысталды. Оған қоса шаруашылықтар өртті ерте анықтайтын жүйемен қамтылып жатыр. Тек «Семей орманы» резерватында 600 мың гектардан астам жер заманауи құрылғымен бақыланады. Ал ел бойынша соңғы екі жыл ішінде орман шаруашылығы саласын дамыту мақсатында 1900-ден астам жаңа арнайы көлік сатып алынған. «11 өңіріндегі орман қорғау мекемелерінің материалдық-техникалық базасы жаңартылды. Бұл шаралар орман өрттерінің алдын алуға және табиғи апаттармен күрес тиімділігін арттыруға бағытталған», деді Экология және табиғи ресурстар министрі.

Ерлан Нысанбаев, ҚР Экология және табиғи ресурстар министрі:

- Егер осы үш жыл ішінде жалпы Қазақстан бойынша 78 пайыз қамтамасыз етілген болса. Оның өзін жаңартуымыз керек болады. Өйткені оның 70 тен астамы списаниеге кетуі керек. Сол себепті қазір біз сонау сексенінші жылдан бері қарай 40-45 жыл болған машинелердің орнына жаңа машинелерді алып қойып жатырмыз.