Осы уақытта Үндістан ресейлік мұнайды юаньмен сатып алып жатыр. «Батыстың Мәскеуге салған санкцияларынан құтылудың бірден бір амалы осы», — дейді сарапшылар. «Рейтер» агенттігінің дерегі бойынша АҚШ валютасынан бас тартқан екі жақ әуелі рупиймен есеп айырысқан. Алайда, бұл Мәскеу үшін операциялық қиындық туғызды. Ал юань – рубльге айырбастауға болатын санаулы халықаралық валюта. Жалпы биыл екінші тоқсанда ресейлік мұнайдың 31,4 пайызы Үндістанға жөнелтілген. Айта кетерлігі, кейінгі кезде мұнай нарығының ірі ойыншылары долларсыз саудаға көше бастады. Мұны сарапшылар да растап отыр.