Астанадағы «Мамандандырылған балалар үйі» алаңында «Таза бейсенбі» экологиялық акциясы өтті.

Сенбілікке қала тұрғындары мен еріктілер қатысып, аумақты қоқыстан тазартты. Игі іс «АMANAT» партиясы мен Алматы ауданы әкімдігінің ұйымдастырумен жүзеге асып жатыр. Іс-шараның мақсаты – елорда экологиясын жақсартып, азаматтарды табиғатты аялауға шақыру.

Жанна Есқалиева, «Мамандандырылған балалар үйінің» директоры:

- Қаланың, мекеменің тазалығы әр азаматтың өз қолында. Соған сәйкес бүгін ағаш егіп, айналамызды тазартып, өз үлесімізді қосудамыз. Осы іс-шараға белсенділік білдірген ұжымыма, еріктілерге алғысымды білдіремін.