G7 елдері Ресейге санкция салады
16.09.2025
Үлкен жетілік елдері Ресейге қарсы экономикалық қысымды күшейтпек.
«Блумберг» агенттігінің мәліметінше, Мәскеуге жаңа санкция 2 аптада салынуы мүмкін. Бірер күн бұрын G-7 елдері шұғыл жиын өткізіп, Ресейдің бұғатталған активтерін Украинаның қорғаныс саласын қаржыландыруға қолдану жайын талқыланған. Сондай-ақ қаржылық секторындағы бірқатар компанияға шектеу енгізіп, Қытай мен Үндістанға қосымша тариф салу ұсынылды. Өйткені қос ел ресейлік мұнайдың негізгі тұтынушысы саналады.
