Елде мүгедектік дәрежесі жасанды интеллекті арқылы анықталады. Еңбек және халықты әлеуметтік қорғау министрлігі жаңа модель енгізуді жоспарлап отыр.

Жүйе медициналық анықтама, сауалнама және басқа да мәліметтерді автоматты түрде зерделейді. «Бұл жоба қызметкерлердің жүктемесін азайтуға және сыбайлас жемқорлықтың алдын алуға ықпал етеді», — дейді мамандар. Сонымен қатар атаулы әлеуметтік көмек тағайындау шараларына да жасанды интеллектіні тарту көзделген. Биылдан бастап FSM Social мобилдік қосымшасы іске қосылды. Ол арқылы 100 мың отбасы онлайн зерттелген.

Олжас Анафин, ҚР Еңбек және халықты әлеуметтік қорғау вице-министрі:

- Негізгі факторларға талдау жүргізілді. Сандық жүйенің дәлдік көрсеткіші 90 пайыздан асты. Әрі қарай оқыту моделі жаңа бейнежазбаларды өңдеу үшін қолданылады. Алынған нәтижелер атаулы әлеуметтік көмекке қатысты шешім қабылдау үшін учаскелік комиссияларға жіберіледі. Жасанды интеллект саланың ашықтығын арттыруға мүмкіндік береді.