Бүгін – шекарашылар күні. 1992 жылы 18 тамызда Қазақстанның Шекара қызметі құрылған еді.

Мерекеге орай Астанадағы шекарашыларға арналған ескерткішке гүл шоқтарын қою рәсімі өтті. Шараға жас сарбаздар, зейнет жасындағы ардагерлер қатысты. Алғаш құрылған кезде бұл құрылым «Шекара әскерлері» деп аталған еді, ал 1997 жылдан бері Ұлттық қауіпсіздік комитетінің құрамында «Шекара қызметі» атауымен жұмыс істейді. Негізгі міндеті – мемлекеттің аумақтық тұтастығы мен қауіпсіздігін сақтау, заңсыз шекара асу жағдайларын болдырмау және контрабанда әрі қылмыстық әрекеттерге тосқауыл қою. Бүгінде қазақстандық шекарашылар құрлықтағы және су айдындарындағы мыңдаған шақырымдық шекараны, сондай-ақ елдің әуе кеңістігін қорғап жүр.

Алмас Болатханов, ҚР ҰҚК Шекара қызметінің офицері:

2024 жылдың өзінде 6 мыңнан астам шекара бұзушылар ұсталған. Осы 25 жылдың бірінші жылдығымен есептесек, 3 мыңнан астам құқықбұзушылар ұсталған. Қызметімді Оңтүстік Қазақстанда бастағанмын, одан кейін Солтүстік Қазақстанда болдым, Шығыс өңірінде болдым. Қазіргі уақытта орталықта офицер лауазымында қызмет атқарамын.

Елдос Есенбол