Өскемендегі 700-ден астам жеделсатының жартысынан көбі тозған.

Бірнеше көпқабатты тұрғынүйде лифт жұмыс істемей біраз жылдан бері тоқтап тұр. Титықтаған тұрғындардың қақпаған есігі жоқ. Жергілікті биліктің уәдесіне тойдық деп наразы. Ал әкімдіктегілер жеделсатыларды бюджет есебінен ауыстыру жолын қарастырымыз жатырмыз дейді.

Қазақстан көшесіндегі 12 қабатты мына үйдің тұрғындары жеделсатымен жүруге қорқады. Жоғарғы қабатта тұратындары амал жоқ мінеді. Жеткенше жанымызды шүберекке түйіп барамыз дейді олар. Құрылғы қызмет көрсету мекемесіндегі мамандардың күшімен ғана әупірімдеп жұмыс істеп тұр. Әйтпегенде баяғыда істен шығар еді. Бұл жерді жеделсатының жүрегі деп айтуға болады.Мына құрылғының жұмыс істеп тұрғанына 40 жылға жуық уақыт болды.Өаір әр жерінен май тамшылап тұрға бұны ауыстыруға да келмейді,өткені қосалқы бөлшектер жоқ. Мұндағы жұрт 40 жылғы көтергішті жаңарту керегін талай рет айтқан. Үй тұрғыны Галина Ефремова жазатайым оқиға болмай тұрғанда , жеделсатылар жедел жаңартылуы керек дейді. Өзі осы мәселемен әкімдікке бірнеше рет барған. Тұрғындар қазір әкімдік арқылы қайтарымды негіздегі несиелеу бағдарламасын қабылдауға да дайын.

Галина Ефремова, қала тұрғыны:

- Біз қайтарымды қаржыландыру бағдарламасына қарсы емеспіз.Тұрғындар жағдайды түсінеді.Осыдан сегіз жыл бұрын осындай әдіспен ондаған жеделсаты жөнделді де, ары қарай тоқтап қалды. Бізге ол заңсыз деп айтқан еді. Енді осы сұрақ шешілсе деген үміттеміз.

Ал Чехов атындағы көшедегі мына 9 қабатты тұрғын үйде жеделсаты атымен жоқ. Істен шыққанына 20 жыл болған. 700ден астам жеделсатының жартысы тозып, тіпті адам өміріне қауіпті екенін сала мамандары да жасырмайды. Айтуларынша, басқа облыстарда бұл құрылғылар бюджет есебінен жаңартылып жатыр. Бірақ Өскеменде бұл мәселе шешімін табар емес.

Асхат Нұрышев, Жеделсатыға қызмет көрсету компаниясының директоры:

- Бүкіл елде осы мәселе бойынша арнайы бағдарлама қолданылып жатыр. Яғни ақша бюджеттен бөлінеді. Тұрғындар 7-10 жыл мерзімде бөліп қайтарады. Рудный,Ақтау қаласында осындай тәжірибе бар. Бірақ Өскеменде осы жоба іске аспай жатыр. Өйткені мұнда жеделсаты шаруашылығымен айналысатын арнайы мамандандырылған ұйым жоқ.

Әкімдік өкілдері арнайы мекеме бұрын болған,алайда ол банкротқа ұшырағандар тізіміне іліккендіктен ,қазір жауапкершілік жүктей алмаймыз деп отыр. Дегенмен қазір жеделсатыларды ауыстырудың заңды мүмкіндігі қарастырылып жатыр екен.

Назгүл Жақыпбекова, қалалық Тұрғын үй қатынастары бөлімі басшысының орынбасары:

- Әкімдік берген тапсырма бойынша, қалай да бір заңды жолдары қарастырылып жатыр. Бюджеттен заңды түрде қаржыландыру жұмыстары қарастылып жатыр. Ол бір ғана бөліммен қарастырылмайды. Ол экономика бөлімі, финас бөлімі,заңдылыға бар ертеңгі жұмыстарды жасау туралы.

Мамандардың айтуынша, жеделсатының жаңасы арзан емес. Бір құрылғының нарықтағы құны 13-15 млн теңге. «Сондықтан басты мәселе-қаржы көзін табу», — дейді олар.

Эльмира Ахметова, Дмитрий Пыхтин, 24KZ