Германиядан 9500 мигрант депортацияланды
03.08.2025
Германияда кейінгі 3 айда 9500 заңсыз мигрант депортацияланды, деп хабарлайды 24kz.
Бұл шекараны заңсыз кесіп өтпек болғандардың 76%-і. Неміс билігі мигранттар легін азайту үшін Еуроодақ елдерінен келгендерді шекарадан қайтару тәртібін қайта енгізді. Талаптан тек осал топқа жататын адамдар, яғни, жүкті әйелдер мен балалар және науқас жандар босатылады. Қаңтар мен шілде аралығында Германия шекарасын 36 мың адам заңсыз кесіп өтпек болған. Бұл былтырғы жылдың осы кезеңімен салыстырғанда 36% аз.
