Ресейдің Камчатка аймағында жер сілкінісі кезінде дәрігерлер ота жасауды тоқтатқан жоқ. Желіде таралған бейнежазбада хирургтер мен медбикелердің науқастың жанынан бір елі ажырамай, зілзала кезінде медициналық құралдарды мықтап ұстап тұрғанын байқауға болады.

Жергілікті денсаулық сақтау министрлігі келтірген мәліметке қарағанда қазір пышаққа түскен пациенттің жағдайы жақсы. Билік отаға қатысқан мамандарды табиғат апаты кезінде көрсеткен кәсібилігі мен біліктілігі үшін марапатқа ұсынды.

Еске салайық, Камчаткада кейінгі 70 жылда мұндай алапат апат алғаш рет тіркеліп отыр. Жерасты дүмпулері Петропавловск Камчатскіге қарасты бірнеше аймақта сезілді.