Бүгін Шерзат Болаттың өліміне қатысты сот отырысына Бишімбаев ісі бойынша кәсіби шеберлігімен көзге түскен сот-медициналық сарапшы Тахир Хәлімназаров қатысты, деп хабарлайды KAZ.NUR.KZ.

Сарапшы Тахир Хәлімназаров жәбірленуші тараптың өтінішхаты негізінде шақырылды. Алдымен сотта жәбірленушілердің өкілі сараптама қорытындысының мәтінін оқыды.

"Сарапшының 01.11.2024 жылғы қортындысына сәйкес, 2008 жылы туған Болат Шерзат Қаржаубайұлының өлімі сол жақ өкпенің зақымдануымен сол жақтағы кеуде қуысының еніп, тесіліп, кесілген жарақаты нәтижесінде пайда болған мол қан жоғалтудан туындады. Бұл қорытынды расталды. Сол жақ кеуде қуысының артқы жағында, сол жақтағы қолтық асты мен артқы қолтық асты сызықтарының арасында плевро қуысына енетін 5-6 қабырға арасындағы деңгейде орналасқан кесіп-тесілген кеуде қусының жарасын анықталуымен, өкпе тінінің қалыңдығында аяқталатын жара тінінің қалыңдығымен, 1,4 см көлеміндегі сол жақ өкпенің артқы бетінің жаралануы, сол жақтағы плевро қуысында шамамен 1500 мл сұйық қою қызыл қанның жиналуы, жүректің сол жақ қарыншасының эндокардының астындағы жолақтық қан кетуімен негізделеді. Ол адамда жедел қан кету кезінде пайда болады", — делінген қорытындыда.

Қорытындыға сәйкес, жоғарыда аталған жарақаттар денсаулыққа ауыр зиян келтірудің барлық критерийін қамтиды және өмірге қауіп төндіретін жағдай ретінде бағаланады. Осыған байланысты жәбірленушінің өлімінің басталуы сөзсіз және табиғи нәтиже болған.

Бұл ретте сарапшы іс материалдарына тіркелген сот-медициналық сараптаманың қорытындысын қолдайтынын айтты.

"Өлімнің себебі – мәйітті зерттеуде анықталғандай, тек кеуде қусының кесілген жарақаты арқылы өкпе жыртылып, ішіне көп мөлшерде қан кеткеннен болып тұр. Қалған анықталған қанталау, яғни, бетіндегі, шүйдесіндегі сызаттар сараптама әдістері бойынша сыртқы жарақаттар, денсаулыққа зиян келтірген деп саналмайды. Олар тек жарақат деп есептеледі. Ауырсыну тудырады", — деді Тахир Хәлімназаров.

Сондай-ақ жәбірленушінің өкілдері сарапшыға қандай уақыт аралығында жәбірленуші Шерзат Болатты аман алып қалуға болар еді деген сұрақ қойды.

"Әр адамның дене құрылымы әртүрлі болады. Кескен тамырлардың көлемі, жаралардың көлеміне байланысты. Бұл жерде кеуде қуысында 1,5 литр бос қан анықталған. Бұл өте көп мөлшер. Қан тез кеткен кезде, қан көлемі 500-600 мл дейін адамның жағдайы ауырлай бастайды. 1 литр қан кеткенде адам есінен танып, ауыр жағдайда болады, өміріне қауіп пайда болады. Ал мұнда 1,5 литр қан. Сол үшін 1 литр қан кеткенге дейін көмек көрсетілген кезде ондай мүмкіндік, яғни, сақтап қалуға болар еді. Өйткені тәжірибемізде кездесіп тұрады. Жүрек жарақаттарымен үлгереді. Бұл жерде өкпе кесіліп тұр, тек ішіне қан көп кетіп қалған. Уақыт сәл созылып кеткен. Сол үшін ондай мүмкіншілік болмаған деп ойлаймын", — деді ол.

Шерзат Болаттың қазасы

• "Сөйлесіп қойғанмын": Шерзат ісі бойынша соттағы жұмбақ диалогты прокуратура тексереді Кеше, 16:11
• Шерзат ісі бойынша күдіктілердің бет-жүзі көрініп қалды: сотта қызметтік тексеру нәтижесі жарияланды Кеше, 15:11