Өзбекстандық боксшы Лазизбек Муллажоновтың допинг үшін басы дауға қалды, — деп хабарлайды Massaget.kz тілшісі.

ITA мәліметінше, 2025 жылы 11 маусымда жарыстан тыс допинг-бақылау кезінде алынған Лазизбек Муллажоновтың сынамасы метастерон және оның метаболиттеріне оң нәтиже (AAF) көрсеткен. Бұл Дүниежүзілік допингке қарсы агенттік (WADA) тыйым салған дәрілер тізіміне енгізілген. Метастерон бұлшықет массасын жылдам арттырып, күш көбейтетін анаболикалық стероидтар қатарына жатады.

Мәлімдемеде спортшыға бұл іс бойынша ресми түрде хабар берілгені және оның B сынамасын зерттеуді талап ету құқығы бар екені айтылған. Егер B сынамасының нәтижесі бірінші сынамамен сәйкес келсе, бұл допинг ережелері бұзылғанын ресми түрде дәлелдеген болып есептеледі. B сынамасы сұралмаса да, тергеу ереже бұзу түрінде жалғасады.

Қазір Муллажоновқа уақытша жарыстан шеттету түріндегі міндетті санкция қолданылып отыр, оны спортшы шағым арқылы жоюға тырыса алады.

Лазизбек Муллажонов — өзбек боксының ең жарқын жұлдыздарының бірі. Ол 2024 жылғы Олимпиадада алтын жеңіп алған болатын.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!