Атырауда алдағы үш жылда өндірістен таралатын зиянды қалдық мөлшері азаяды. Сенат депутаты Сағындық Лұқпановпен кездескен мұнай өңдеу зауытының қызметкерлері жаңа жобаны таныстырды.
2028 жылға дейін мұнай буын жою блогы іске қосылып, ластаушы заттар көлемі 131 тоннаға дейін азаймақ. «Сондай-ақ 572 тонна ластаушы газды қайта өңдеп, пайдалануға мүмкіндік туады», – дейді мамандар. Жиында сондай-ақ Жайық өзенінен алынатын су көлемін азайту жолдары да талқыланды.
Сағындық Лұқпанов, ҚР Парламенті Сенатының депутаты:
- Екі мәселені қарадық. Бірінші – Жайықтан су алу мәселесі. Оның қандай мөлшерде алынып жатыр, қалай азайтуға болады? Екінші мәселе – мына қалдықтардың шығуы. Сол мәселе бойынша үлкен талқылау болды. Шешетін мәселелер бар. Олар қазір өздері бағдарламалар дайындап жатыр. Техникалық тапсырмаларын дайындайды. Сол мәселе бойынша қазір жоба жасап жатыр.
