Газа секторында аштықтан күн сайын 350-ден астам бала ауруханаға түседі. ЮНИСЕФ таратқан мәлімет бойынша , маусым айының басынан бері 11 мыңнан астам бала медициналық көмекке жүгінген.
Оның 80-і қайтыс болды. Гуманитарлық ұйымдар бұл жағдайға Израильді айыптап отыр. Тел-Авив енді ғана Газа секторының кей аймақтарында әскери қақтығыстарды уақытша тоқтататынын мәлімдеді. Бұл шешім гуманитарлық көмек жеткізу ісін жеңілдетуге тиіс. БҰҰ өкілдері азық-түлік пен дәрі-дәрмек жеткізу көлемін арттыруға мүмкіндік болады деп үміттеніп отыр.
