Әлеуметтік желілерде Сәтбаев қаласындағы үйлердің бірінің подъезінде қызға шабуыл жасалған сәттің видеосы тарады. Күдікті анықталып, ұсталған, деп хабарлайды Ұлытау облыстық полиция департаментіне сілтеме жасаған KAZ.NUR.KZ.

Желілерде тараған видеодан көпқабатты үйдің подъезіне кірген қызға, артынан ілесіп кірген ер адамның шабуыл жасағанын байқауға болады.

Ол бойжеткенді ұстап алып, баспалдақтан сүйрей жөнеледі. Қыз айғайлап, қарсылық білдіреді, осыдан кейін ер адам қашып кетеді.

Осы кезде көршілердің бірі пәтерден шығып, ер адамның артынан жүгіре жөнеледі.

Ұлытау облыстық полиция департаментінің мәліметінше, шабуыл фактісі бойынша қылмыстық іс қозғалған, күдік ізін суытпай ұсталған.

"Ол уақытша ұстау изоляторына қамалды. Тергеу жүргізіліп жатыр", — деп хабарлады ведомстводан.