Астана қаласы Қылмыстық істер жөніндегі ауданаралық сотында

Перизат Қайратқа қатысты басты сот отырысы жалғасып жатыр. Түстен кейінгі сессияда куәгер Әділхан Мусин түсінік берді. Айтуынша, сотталушы Biz Birgemiz Qazaqstan 2030 қорына түскен қаражаттарды жеке кәсіпкерлер арқылы шығарып отырған. Алаяқтық схемада 12-13 бизнес өкілінің шоттары пайдаланылған. Куәгер Перизат Қайрат, қолма-қол ақша су тасқынынан зардап шеккендерге қажетті заттар алуға керек деп, түсіндірді дейді. Түске дейін ата-аналар мен оқушылардан 3 млн теңгеге жуық қаражат жинап берген Назарбаев зияткерлік мектебінің өкілі Жанерке Сатқынбекова мен дәл осындай соманы қорға аударған «Алматы тазалық» мекемесінің заңгерінен жауап алынды.